Beiträge

Veröffentlicht am

An 21. Januar 2026 weer Klöönsnack mit Anette Meyer alias Gertrud Sluderich

Se heet zwar Gertrud Sluderich, man sludern – nee, dat deiht se wiss nich!

Dat hett se ok de bummelig 80 Lüüd in Saal verklort: Een mutt sik doch üm siene Navers kümmern, anners warrst du nich wies, wat dor so löppt. Un dat dat ’n Ünnerscheed gifft twüschen dat, wat de een seggt und wat de anner versteiht. To’n Bispeel twüschen Froenslüüd un Mannslüüd… Dorvun kennt se veele snaaksche Geschichten.

Un wat se in ehre veelen Clubs to hören kriggt över Baadstuuvwaagen, Wellnessweken, een vegetarisch Gröönkohlbüfett un de Reklaam in Feernsehen – vun all dat un noch mehr hett se uns vertellt. Wat hebbt wi lacht!!!

Leve Gertrud, dat weer wedder ’n scheunen Avend!                                                                              Kiek mol wedder in!

Middeweken, 21. Januar 2026 Klock 18.00

Landhaus Jägerhof, Ehestorfer Heuweg 12-14
21149 Hamburg

Views: 0

Veröffentlicht am

An 30. November 2025 hebbt wi „50 Johr Plattdüütsch leevt“ fiert

…un dorbi hebbt uns de „Wattenläufer“ mit de ehren „Rock op Platt“ holpen.

Uns: dat weern mehr as 160 Lüüd in Saal

De sünd nich all komen, wiel dat dat Kaffee un Koken „för nix“ geev.

 

De weern ok neeschierig op de „Wattenläufer“, de noch nie bi Plattdüütsch leevt ween sünd

Denn hebben de Wattenläufer uns inbööt, dat de Jägershof wackelt hett.

Ole Slagers, de wi noch ut unse Jeugdtied kennen, aber mit niege plattdütsche Texten, Shanties un egen Leeder un, un, un…    Un allens total „verrockt“! Dat weer so luut, dat de een oder anner dat Höörgereet rutnomen hett. Aber scheun weer dat! Dat gifft Musik, de kannst du nich lies hören, Un de kralle Singersche weer wat för Ogen un Ohren…

In de Paus harrn Thomas Soltau un siene Lüüd bannig to doon, um Kaffee un Koken op de Dischen to setten. As wi dat kennt, hett allens wedder wunnebor klappt

In de tweete Halftied gung dat so wieder. De Wattenläufer sünd nich een Ogenblick mööd worrn. Dat weer ’ne scheune Fier förJohr Plattdüütsch leevt

Sünndag, 30. November 2025 Klock 15.00
im Landhaus Jägerhof, Ehestorfer Heuweg 12-14
21149 Hamburg-Hausbruch

Views: 0

Veröffentlicht am

An 15. Oktober weer Klöönsnack mit Jan Graf

Dor weern wedder mehr as hunnert Lüüd neeschierig op em

Dörte hett dat so beleevt: Jan Graf is bi uns ween. He hett sungen und vertellt, von Tiere, von Kultur, von’t Öllerwarden, von’t Eten etc. Dat weuer een Spoß! Wi weet jetzt wat öber Bellmann, dat is sien Hund; öber Elli, dat is sien Zeeg; öber Henning, dat is sien Jungen und wenn Du mit sien Fro danzen wullt, mok dat. Jan mach nämlich nich danzen. Und wenn Du een Leed in een plattdüütsches Leederbook ünnerbringen wullt, denn mütt dat wat Lüttes ween ( Lütt Anna, Lütt Matten, Lüttje Buurdeern, sogor Burlala is lütt).

Wi harn eem ümmer wieder toheuern kunnt, öber irgendwann wull he no
Huus.
Veelen Dank Jan! Dat weuer een scheunen Obend!

Middeweken, 15. Oktober 2025 

Landhaus Jägerhof, Ehestorfer Heuweg 12-14
21149 Hamburg

Views: 0